Valis, Philip K. Dick

Titulli: Valis
Origjinali: Valis
Gjinia: Roman
Autori: Philip K. Dick
Shqipëroi: Ataol Kaso
Shtëpia botuese: Pika pa sipërfaqe
Viti: 2017
Fq. 316
Pesha: 0.336 kg.
ISBN: 978-9928-185-45-7

Mbi librin

Në mars të viti 1974, pas vetëvrasjes së një mikeshe dhe një vetëvrasjeje të dështuar, Kaladon Boli goditet nga një rreze kozmike që i transferon informacion mbi natyrën e gjithësisë. Për pasojë, ai është në gjendje të parandalojë një sëmundje vdekjeprurëse të të birit dhe përjeton një mbivendosje të realitetit të 1974-s me një realitet paralel të Romës së shekullit I, ku një vete tjetër e tij është ndër ndjekësit e hershëm të krishterimit.

I vetëdijshëm se ajo çfarë po përjeton është në kufijtë e çmendurisë, Boli vihet në kërkim të një shpjegimi për çfarë i ka ndodhur, në kërkim të burimit të këtij informacioni, VALIS, pa e ditur mirë se ç'është duke kërkuar dhe ku mund ta gjejë.

Komente mbi librin

"Një si punë Kafka pulp – fiction, një profet."

The New York Times

"Philip K. Dick është një nga dhjetë shkrimtarët amerikanë më të mirë të shekullit XX, që nuk është pak. Dick është një Kafka i mbushur me LSD dhe mëri."

Roberto Bolano

Mbi autorin

Philip K. Dick (1928-1982) shkroi 121 tregime dhe 45 romane dhe konsiderohet ndër shkrimtarët më vizionarë të shekullit XX. Temat e identitetit njerëzor dhe natyrës së realitetit e përshkojnë të gjithë këtë krijimtari voluminoze. Më 1974 ai përjetoi një sërë përvojash fetare që i dhanë një kthesë të fortë metafizike veprës së tij.

Dick është ndër figurat më me ndikim në pop-kulturën bashkëkohore, duke shërbyer si frymëzim apo referencë në letërsi, kinematografi, filozofi. Janë të shumtë romanet dhe tregimet e autorit që janë kthyer në filma apo seriale, ndër të cilët: Blade Runner (1982), Total Recall (1990; 2012), Minority Report (2002), The Adjustment Bureau (2011), The Man in the High Castle (2015-).

Jean Baudrillard, John Gray, Slavoj Žižek, Frederic Jameson janë vetëm disa nga autorët e provokuar nga idetë e PKD, apo që kanë shkruar rreth tij dhe veprës së tij.