Krijimi i një logo-je për biznesin apo sipërmarrjen tuaj mund të duket si një çështje relativisht e thjeshtë por në fakt ekspertët mendojnë ndryshe!

Përvoja ka treguar se një logo e konceptuar dhe dizenjuar mirë vetëm sa rritet në vlerë me kalimin e kohës. Mendoni p.sh. logo si Coca-Cola, Apple, pse jo edhe SfidaBiznesi.com

Ju mbase e keni krijuar sakaq një logo apo jeni duke menduar për të krijuar një logo të re për nevojat e biznesit apo projektit tuaj. Por ka ca parime që mund ta bëjnë të gjithë procesin më të qartë dhe me vlerë për biznesin/projektin tuaj aktual tani dhe në të ardhmen.

Ky uebinar ka për synim t’ju prezantojë shkurtimisht me disa koncepte dhe parime thelbësore që do t’ju ndihmojnë të orientoheni në punën për krijimin e logo apo logove tuaja të ardhshme.