Shumë biznese në Shqipëri shpenzojnë çdo muaj për reklama në Google, Facebook dhe Instagram dhe nuk dinë të thonë sa telefonata, rezervime apo porosi erdhën vërtet prej tyre. Ne i menaxhojmë këto reklama me një qëllim: klientë që mund t’i numëroni ju vetë.
Pesë pyetje që duhet t’i bëni kujtdo që ju menaxhon reklamat
- Çfarë llogaritet si “rezultat”? Një klikim te butoni i WhatsApp apo një rezervim i vërtetë?
- Kujt i përket llogaria e reklamave? Nëse largoheni nesër, e merrni me vete historikun?
- A kontrollohen klikimet false? Dhe kush kërkon kthimin e parave te Google kur gjen të tilla?
- Ku shfaqen reklamat? Vetëm te kërkimet e klientëve tuaj, apo edhe në faqe të panjohura që nuk kanë të bëjnë me biznesin tuaj?
- Ç’ju raportohet? Shfaqje dhe klikime, apo telefonata, rezervime dhe shitje?
Këto pesë pyetje janë mënyra se si punojmë ne. Më poshtë i shpjegojmë një nga një.
Për kë është ky shërbim
Për bizneset që duan klientë nga reklamat me pagesë: hotele, resorte, restorante dhe biznese turizmi, dyqane online, kompani shërbimesh, organizata. Funksionon edhe për ata që duan të arrijnë shqiptarët jashtë vendit.
Nuk është për ju nëse kërkoni vetëm postime në rrjetet sociale. Ne nuk e ofrojmë atë shërbim.
Butoni “Promovo” nuk është menaxhim
Shumë pronarë reklamojnë me butonin “Promovo” te Facebook ose Instagram. Mund të sjellë ndonjë mesazh, por nuk të thotë se kush u shkroi, nga ku erdhi, as nëse ai mesazh u kthye në klient. Menaxhimi i vërtetë do të thotë ta ndërtojmë matjen para se të rritet buxheti, dhe ta shohim rezultatin atje ku ka rëndësi për ju: në WhatsApp, në telefon, në librin e rezervimeve.
Nëse doni të kuptoni më parë ndryshimin, lexoni pse të zgjidhni Facebook Ads për të reklamuar online dhe platformat e reklamimit online.
Çfarë gjejmë shpesh kur hapim një llogari reklamash
Në llogaritë që shqyrtuam vetë në nëntor 2026, problemet përsëriteshin:
- Telefonatat dhe klikimet në WhatsApp numëroheshin si “konvertime”, kështu që platforma kërkonte klikimin më të lirë, jo klientin.
- Rrjeti Display ose faqet partnere ishin të ndezura brenda fushatave të kërkimit dhe i hanin një pjesë të madhe të buxhetit.
- Një tag rezervimesh regjistronte zero për muaj me radhë, dhe askush nuk e kishte vënë re.
- Konvertimet e faqes dërgoheshin ende te tagu i agjencisë së mëparshme, jo te llogaria e klientit.
Si ndodh në praktikë: tre shembuj nga llogaritë tona
Nuk përmendim emra klientësh. Përmendim çfarë pamë dhe kur.
Një hotel pesëyjor në Tiranë: 794 “konvertime” dhe 8 rezervime. Në mars 2026, Google Ads raportoi 794 konvertime në 30 ditë. Motori i rezervimeve konfirmoi vetëm 8 rezervime nga Google në të njëjtën kohë. Shtatë veprime të ndryshme llogariteshin si konvertim, përfshirë klikimet në telefon dhe “add to cart”. Rindërtuam konvertimet dhe gjurmimin deri te motori i rezervimeve.
Një resort katër yjesh në Shqipëri: faqe Display brenda fushatave të kërkimit. Faqet partnere Display, të ndezura brenda dy fushatave të kërkimit, e hëngrën pjesën më të madhe të shpenzimit. Google filtroi 6.520 klikime të pavlefshme mes 27 korrikut dhe 4 nëntorit 2026. Ne gjetëm edhe 2.213 të tjera që u faturuan (5 shtator deri 11 tetor) dhe më 4 nëntor depozituam kërkesë te Google. Kërkesa është ende në shqyrtim. Vendos Google, dhe ne nuk e quajmë rezultat kthimin e parave derisa ta kemi.
I njëjti hotel në Meta: 961 ngjarje formulari për 9 kërkesa të vërteta. Ngjarja e formularit në faqen e hotelit u regjistrua 961 herë në 25 ditë, ndërsa kërkesat e vërteta ishin 9. Motori i rezervimeve nuk ka Meta Pixel, prandaj Meta pa 1 blerje në 28 ditë kundrejt rreth 100 rezervimeve. Kostoja për një bisedë në WhatsApp u ul nga $11.86 (qershor–shtator 2025) në $1.86 (korrik–tetor 2026). Kujdes: kjo është kostoja e fillimit të një bisede, jo e një rezervimi, dhe ne e themi çdo herë. Lexo artikullin →
Çfarë bëjmë në çdo llogari
- Vetëm rezultatet e vërteta janë konvertime kryesore: formulari i plotësuar, rezervimi, porosia. Telefonata, WhatsApp dhe email regjistrohen, por si veprime dytësore.
- Gjurmim që ndjek klientin, edhe kur rezervimi ose pagesa bëhet në një faqe tjetër. E provojmë me një klikim real, jo vetëm duke parë linkun.
- Consent Mode v2, që matja të respektojë zgjedhjen e vizitorit për cookies.
- Display dhe partnerët e kërkimit të fikur te fushatat e kërkimit, përveç kur ju bini dakord. Rekomandimet e aplikuara automatikisht të fikura.
- Kontroll javor i klikimeve të pavlefshme, për çdo fushatë dhe rrjet. I krahasojmë klikimet me sesionet në Google Analytics 4 dhe shohim ku janë shfaqur reklamat.
- Kërkesë e shpejtë te Google për klikimet false. Google heton vetëm 60 ditët e fundit (faqja zyrtare e ndihmës), prandaj nuk e lëmë për më vonë.
- Raport me telefonata, rezervime dhe shitje, jo me shfaqje.
Llogaria është e juaja
Llogaria juaj e Google Ads, llogaria e reklamave në Meta, Pixel-i, Google Analytics dhe Tag Manager hapen në emrin tuaj, dhe pronar jeni ju. Ne punojmë brenda tyre si agjenci.
Nëse një ditë ndahemi, e mbani gjithçka: fushatat, historikun, audiencat dhe të dhënat. Asgjë nuk mbetet e mbyllur te ne. Bëjani këtë pyetje çdo agjencie para se të nënshkruani.
Si punojmë
- Auditimi dhe kontrolli i matjes. Shohim llogarinë, çfarë numërohet dhe ku shkon buxheti. Krahasojmë numrat e platformës me rezervimet, kërkesat ose porositë tuaja.
- Rregullojmë bazën. Veprimet e konvertimit, gjurmimin, pëlqimin për cookies, cilësimet e rrjetit. Nuk e rrisim buxhetin mbi numra që nuk i besojmë.
- Planifikimi dhe nisja. Fushata të ndërtuara rreth rezultatit që mund ta numëroni, me rregulla të qarta për buxhetin, audiencat dhe faqen ku zbarkon klikimi.
- Kontroll çdo javë, raport çdo muaj. Klikimet e pavlefshme, shpenzimet e humbura dhe ndryshimet. Raporti mujor tregon çfarë solli reklama dhe çfarë do të bëjmë më pas.
Çmimi varet nga llogaria dhe qëllimet tuaja. Kërko një ofertë →
Pyetje të shpeshta
Sa kohë duhet që të shohim rezultate? Nuk japim datë të premtuar, dhe kush e bën po hamendëson. Javët e para zakonisht shkojnë te matja dhe pastrimi, sepse fushatat kanë nevojë për të dhëna të sakta që të mësojnë. Pastaj testojmë dhe rregullojmë, dhe në muajin e parë bien dakord për një datë rishikimi. Premtojmë një gjë: numra që mund t’i kontrolloni me të dhënat tuaja.
Çfarë na duhet nga ju? Qasje në llogaritë e reklamave, në faqen tuaj dhe në analitikën (si përdorues i ftuar, jo me fjalëkalimin tuaj). Na duhet edhe një mënyrë për të parë rezultatet e vërteta: eksport nga motori i rezervimeve, kutia e kërkesave, CRM-ja ose sistemi i porosive. Dhe një person nga ana juaj që di cilat mesazhe në WhatsApp u bënë klientë.
Kujt i përket llogaria e reklamave? Juve. Shih më sipër.
Çfarë raportoni? Telefonata, kërkesa, rezervime ose shitje dhe sa kushtoi secila, të krahasuara me të dhënat tuaja. Pastaj klikimet e pavlefshme dhe çfarë bëmë me to, ku u shfaqën reklamat dhe çfarë ndryshojmë më pas. Nuk e nisim raportin me shfaqje apo klikime.
A garantoni numër klientësh ose fitim? Jo. Askush nuk e kontrollon tregun, konkurrencën apo mënyrën si ju përgjigjeni juve klientëve. Ne kontrollojmë ndërtimin, matjen dhe vëmendjen javore, dhe raportojmë me ndershmëri.
A mund të reklamojmë te shqiptarët jashtë vendit? Po. Punojmë shqip dhe anglisht, për publikun në Shqipëri dhe në diasporë.
Të shohim çfarë ju sjellin vërtet reklamat?
Fillojmë duke parë çfarë numëron llogaria juaj, dhe çfarë duhet të numërojë.
Shërbime të tjera: Shërbime SEO · Të gjitha shërbimet