Udhëzues për klientët
Si ta nënshkruani kontratën online
Kontratat tona i nënshkruani online, nga telefoni ose kompjuteri. Ekranet e nënshkrimit janë në anglisht, ndaj më poshtë keni çdo hap me emrat e butonave ashtu siç do t’i shihni.
- Pa llogari
- Pa printim
- ~2 minuta
- 5 hapa
1Email-i
Hapni email-in dhe shtypni butonin blu
Do të merrni një email me subjektin LibreSign: A document is ready for your signature. Sipër është mesazhi ynë për ju. Shtypni butonin Sign, që mban emrin e kontratës.
Nuk e gjeni email-in? Kontrolloni dosjet Spam dhe Promotions.
2Kontrata
Lexoni kontratën, pastaj shtypni Define your signature.
Kontrata hapet në shfletues. Lëvizni poshtë për ta lexuar të gjithën. Poshtë shihni statusin Ready to sign. Kur të jeni gati, shtypni Define your signature.
Faqja hapet gjithmonë te cloud.sfida.pro. Nëse adresa lart është ndryshe, mos vazhdoni dhe na shkruani.
3Firma
Vizatoni firmën tuaj dhe ruajeni
Vizatoni firmën me gisht në telefon, ose me maus në kompjuter, njësoj si në letër. Pastaj ruajeni.
Nuk ju pëlqen si doli? Fshijeni me ikonën e koshit pranë firmës dhe vizatojeni sërish.
4Nënshkrimi
Shtypni Sign the document. dhe konfirmoni
Firma juaj shfaqet te Your signatures. Shtypni Sign the document.. Do të dalë pyetja Confirm that you want to sign this document.. Shtypni Sign document.
5Përfundimi
Prisni mesazhin e gjelbër
Nënshkrimi zgjat disa sekonda. Mos e mbyllni faqen deri sa të shihni mesazhin e gjelbër Congratulations you have digitally signed a document dhe statusin Signed. Kaq ishte. Me View document shihni kontratën e nënshkruar.
Pyetje të shpeshta
A më duhet llogari ose program?
Jo. Mjafton email-i dhe shfletuesi i telefonit ose kompjuterit.
Email-i nuk më ka ardhur.
Kontrolloni Spam dhe Promotions. Nëse nuk është as aty, na shkruani dhe e dërgojmë sërish.
Pse faqja është në anglisht?
Programi i nënshkrimit (LibreSign) nuk ka ende përkthim shqip. Prandaj në këtë udhëzues i kemi shënuar emrat e butonave ashtu siç dalin.
Mund ta lexoj kontratën para se ta nënshkruaj?
Po. Kontrata hapet e plotë dhe ju e nënshkruani vetëm kur shtypni Sign document. Për çdo pikë të paqartë, na shkruani para se ta nënshkruani.
Keni nevojë për ndihmë?
Na shkruani në adresën më poshtë, ose kontaktoni personin nga Sfida.PRO që ju dërgoi kontratën.
Sfida.PRO · Nënshkrim online me LibreSign në cloud.sfida.pro