fbpx
  • Kreu
  • /
  • Blog
  • /
  • Uebinar
  • /
  • Video konferencë me BigBlueButton në fushën e edukimit dhe jo vetëm

Video konferencë me BigBlueButton në fushën e edukimit dhe jo vetëm

0komente

14 Prill, 2020


Gjatë këtij prezantimi 30-minutësh ju do të mësoni rreth:

  • nevojës për t'u adaptuar me punën nga shtëpia;
  • disa prej platformave kryesore të video konferencave;
  • përzgjedhjes midis një platforme falas dhe me pagesë;
  • përdorimit të platformës (open source) BigBlueButon me fokus fushën e edukimit dhe jo vetem.

Ku: Në internet me video konferencë

Kur: 23 prill 2020, Ora 17:00-18:00

Si: Pa pagesë, por duhet të regjistroheni (shih butonin poshtë)

Në epokën e COVID-19 shumë prej nesh tashmë punojnë nga shtëpia. Në një realitet të tillë jemi të detyruar që të mbajmë kontaktet me kolegë dhe bashkëpunëtorë duke përdorur platforma të ndryshme për biseda me video nëpërmjet internetit (video-chat). Një nga platformat që na ndihmon në këtë drejtim është dhe BigBlueButton, një sistem konferencash me kod-burim të hapur.

Përveç shërbimeve të ndryshme të konferencave në internet, ai ka integrime për shumë nga sistemet kryesore të mësimit, prezantimit dhe administrimit të përmbajtjes. BigBlueButton mbështet ndarjen e shumëfishtë audio dhe video, prezantime me aftësi të zgjeruara të tabelës së bardhë, biseda publike dhe private, ndarja e desktop-it dhe mbështetjen për prezantimin e dokumenteve PDF dhe dokumenteve të LibreOffice etj.

Për më tepër, përdoruesit mund të hyjnë në konferencë në një nga dy role: shikues ose moderator.

Audienca – ky prezantim i drejtohet:

  • sipërmarrësve që dëshirojnë që të përdorin video-konferenca për të punuar nga shtëpia;
  • profesionistëve në fushën e edukimit dhe jo vetëm.

Prezantues

Redon Skikuli - portret

Redon Skikuli (Twitter @rskikuli) është një qytetar digjital (netizen) me bazë në 41.3305N,19.7942E. Në vitin 2012 ai bashkëthemeloi Open Labs hackerspace dhe në vijim u angazhua në iniciativa si Open Source Conference Albania, Wiki Loves Monuments, CryptoParty Tirana, CopyFest dhe projekte të tjera rreth teknlogjive me kodburim të hapur (open source). Ai kontribuon në mënyrë aktive vitet e fundit në projekte open source si OpenStreetMap, Wikipedia, ndërkohë që prej disa vitesh është Mozilla Tech Speaker.

Profesionalisht ai është bashkëthemelues i Cloud68.co, ku ofron shërbime Software as a Service individëve dhe SME-ve duke përdorur platforma open source si Nextcloud, Zammad, Mattermost, BigBlueButton, etj.



Gjithashtu mund të lexoni

Uebinar: Sistemi me 3 hapa për ta përgatitur biznesin tuaj përballë ndryshimit

Uebinar, 30 janar: Si të ndërtoni një strategji për krijimin e përmbajtjes së optimizuar për SEO

Uebinar: Si të administroni biznesin tuaj me Open Source dhe Nextcloud

Uebinar i hapur për sigurinë online – 15 nëntor, ora 18:00

{"email":"Email address invalid","url":"Website address invalid","required":"Required field missing"}
>