Zbuloni si të konfiguroni shtojcën SEO Press nga fillimi deri në fund.
Mësoni si mund ta optimizoni faqen tuaj sa më të mirë për motorët e kërkimit si Google, Bing, etj.
Mësoni si të përdorni funksionet kryesore që bëjnë diferencën për faqen tuaj me WordPress.
Ky prezantim ka mbaruar, por do të përsëritet në një datë të dytë.
Gjatë këtij prezantimi 30-minutësh ju do të mësoni:
Si ndikojnë prirjet botërore dhe vendore në biznesin tuaj;
Si të bëni ‘analizën e ndikimit’;
Si të ndryshoni hamendësimet tuaja;
Nëse bizneset do ta kishin parashikuar ndikimin e Covid-19 dhe mënyrën se si do ndikonte te modeli i tyre i biznesit, atëherë shumica e tyre nuk do ishin në situatën ku janë tani. Ndaj, është jetësore që bizneset të angazhohen në parashikimin e të ardhmes që të mund të mbijetojnë.
Parashikimi i të ardhmes nënkupton që ju si pronarë biznesi duhet të siguroheni që krijoni burime të reja të ardhurash, shmangni humbjet financiare dhe reduktoni riskun e mbylljes së biznesit.
Parashikimi strategjik i lejon drejtuesit që të kuptojnë çfarë po ndodh dhe ta pozicionojnë strategjikisht organizatën për të minimizuar ndikimin e ngjarjeve të paparashikuara apo të padëshiruara.
Një prezantim i hapur dhe pa pagesë për këdo që dëshiron të regjistrohet dhe ndjekë nëpërmjet internetit.
Ku: Në internet me video konferencë
Kur: 10 prill 2020, Ora 17:00-18:00
Si: Pa pagesë, por duhet të regjistroheni (shih butonin poshtë)
Dr. Idlir Proseku ka një të gjerë ndërkombëtare, veçanërisht në Europën lindore dhe Amerikën e veriut. Ai ka punuar për organizata të mëdha ndërkombëtare si dhe industri private. Dr. Proseku ka një eksperiencë të gjerë në hulumtimin e tregut, drejtimin e skuadrave, trajnime, menaxhim projektesh dhe menaxhimin e risive. Ai ka shërbyer si drejtori i “Business Relay and Innovation Center” për Agjencinë Shqiptare të Zhvillimit të Investimeve (AIDA) si dhe ka bashkëpunuar ngushtë me sipërmarrje të vogla dhe të mesme (SME) ku ai ka luajtur një rol thelbësor në nxitjen e risive ndër to. Aktualisht Dr. Proseku punon si menaxher për të dhënat në një kompani hulumtimesh marketingu.
Dr. Proseku ka shërbyer si këshillues për rrjetin studentor SIFE ku ka këshilluar dhe mentoruar studentët në zhvillimin e projekteve fitimprurëse. Dr. Proseku zotëron një doktoraturë për Udhëheqjen Strategjike me përqendrim në Parashikimin Strategjik, nga Universiteti Regent në SH.B.A. Gjithashtu, zotëron një MBA në Sipërmarrje nga Universiteti Regent dhe një Dipllomë Bacelor në Menaxhim nga Universiteti Purdue.
Nëpërmjet këtij udhëzuesi do mësoni si të përdorni shërbimin Google Trends për të kuptuar prirjet botërore dhe ato lokale në Google për terma specifikë.
Shembulli që kemi zgjedhur për këtë video lidhet me pandeminë botërore, por ju mund ta përdorni këtë shërbim për çdo lloj termi tjetër që ju dëshironi ta hulumtoni.
Ky shërbim është i vlefshëm vecanërisht për marketierët që duan të kuptojnë cilët janë termat dhe prirjet e konsumatorëve dhe vizitorëve në internet.
Si ju duket si shërbim? A keni menduar sakaq për mënyra se si mund ta përdorni për nevojat tuaja? Ju lutem ndajini komentet/sugjerimet tuaja këtu poshtë.
Rishtazi është rritur ndjeshëm nevoja e bizneseve, organizatave dhe individëve për zgjidhje teknike që ju lejojnë të vazhdoni punën në kushtet e shtëpisë ose distancë duke përdorur internetin.
Video konferenca është një mënyrë komunikimi me video dhe audio. Zakonisht kryhet nëpërmjet kompjuterit duke mundësuar ndërveprimin e disa pjesëmarrësve njëherësh me opsione:
Nisur nga pyetjet dhe për t’ju ardhur në ndihmë, po publikojmë një listë me disa nga platformat dhe softet që ofrojnë video konferenca, e që mendojmë do t’ju ndihmojnë.
Nuk është një listë e plotë, por një pikënisje për gjetjen e zgjidhjeve që ju përshtaten më mirë.
Ne do jemi duke e përditësuar e zgjeruar edhe me sugjerimet tuaja ndaj na shkruani te komentet ose bëni pyetjet që mund të keni.
Një nga platformat e para që e transformoi komunikimin video duke ofruar komunikim falas që në vitin 2003. Për ta përdorur, mjafton të instaloni aplikacionin në kompjuterin apo pajisjen tuaj ‘smart’ dhe duke krijuar një llogari ju mund të lidheni lehtësisht me një apo disa persona njëherazi. Kjo platformë është mjaft e mirënjohur ndaj nuk po zgjatemi për ta shpjeguar. (linku)
Vini re! Skype ka shtuar edhe funksionin "Meet Now" brenda aplikacionit, i cili ju lejon të bëni video konferenca edhe me persona që nuk e kanë Skype të instaluar. Kemi përgatitur një video që mund ta shihni pak më poshtë.
Google Meet është një soft komunikimi prodhuar dhe zhvilluar nga Google. Kjo platformë u krijua duke përfituar nga aspekte të shërbime të menjëhershme si ‘Google+ Messenger’ dhe ‘Google Talk’. Tashmë është integruar edhe në shërbime të tjera. Është falas, por duhet të keni llogari me Gmail ose Google Apps për ta përdorur. Integrimi me YouTube ka bërë që të përdoret edhe për konferenca dhe transmetime te drejtpërdrejta (live) me mijëra dhe miliona ndjekës. (linku)
Zoom Video Communication është një kompani me bazë në San Jose, Kaliforni që ofron shërbime konference në distancë nëpërmjet internetit. Zoom ofron softe komunikimi që kombinojnë video konferencat, takimet online, chat-et dhe bashkëpunimin me pajisjet mobile.
Aktualisht është një nga platformat që po përhapet botërisht dhe ka fituar mjaft përdorues. (linku)
Është një zgjidhje audio dhe video për uebinare e dizenjuar për organizata të të gjitha përmasave. Ofron një sërë opsionesh ndër to monetizimi, përshtatja e ndërfaqes, uebinaret me regjistrim, dhoma pritjeje, prezantime dhe tabelë online. (linku) Video shpjeguese
Jitsi është një projekt me kod-burim të hapur (open source) që lejon të ngrini dhe lançoni zgjidhje të sigurta me video konferencë. Duke qenë një platformë me kod-burim të hapur, ka edhe disa zgjidhje të tjera që mund t’i përgjigjen lehtësisht nevojave tuaja audio, telefon, regjistrim apo transmetim. (linku) Video shpjeguese
BigBlueButton është një soft me kod burim të hapur, i zhvilluar për mësimin në distancë. Kjo platformë siguron ndarjen në kohë reale të audiove, videove, slideve, chat-it dhe ekranit. Përveç shërbimeve të ndryshme të konferencave në internet, ka integrime për sistemet kryesore të mësimit dhe menaxhimit të përmbajtjes. (linku)
Lifesize është një kompani tjetër që ofron video dhe audio telekomunikim, me bazë në Amerikë. Themeluar që në vitin 2003, kjo kompani ofron mjaft opsione soft dhe hard për t’ju ardhur në ndihmë kompanive dhe organizatave. (link)
Është një kompani austriake që ofron video konferenca në një mënyrë që funksionon shumë mirë edhe nëse shpejtësia juaj e internetit nuk është optimale. Teknologjia që përdor lejon që edhe kur janë më shumë se 3 apo 4 pjesëmarrës në të njëjtën kohë, ‘bandwidth’ juaj mos të ndryshojë. Thënë ndryshe është njësoj sikur po flisni vetëm një me një. Pra zgjidh një nga sfidat që kanë shumica e platformave të ngjashme që kërkojnë më shumë bandwidth me çdo pjesëmarrës të ri që i shtohet video konferencës. (linku)
NextCloud është një soft me kod-burim të hapur (open source) të cilin ju mund ta instaloni në serverin tuaj, nga ku mund të ruani dhe menaxhoni dokumentet, përdoruesit, kalendarin, email-in, chat-in, punoni me dokumentet e kompanisë/organizatës tuaj, duke ruajtur tërësisht privacinë e të dhënave dhe përdoruesve tuaj.
NextCloud ofron një ndërthurje shërbimesh dhe aplikacionesh që ju lejojnë të zgjeroheni duke e shfrytëzuar në tërësi, pra pa kufizime, sipas nevojave tuaja, pa hequr dorë nga privacia juaj.
Aktualisht, shumica e platformave që ju kemi prezantuar janë platforma të hostura dhe mirëmbajtura në një kompani e cila hoston dhe mundëson ofrimin e shërbimit të video konferencës. Ndonëse, në shumicën e rasteve kjo është një lehtësi shumë e madhe, shpeshherë ky opsion ka edhe kufizimet e veta financiare dhe mbi të gjitha nga ana e privacisë së të dhënave të përdoruesve dhe vetë kompanisë tuaj.
NextCloud Talk vjen si një zgjidhje ideale për ata prej jush që e vlerësojnë privacinë dhe sigurinë e të dhënave tuaja. (linku)
që nuk i kemi përshkruar, por duam t'i përmendim:
Kjo është një listë e shkurtër e disa softeve të sugjeruara për komunikim dhe bashkëveprim në distancë nëpërmjet internetit, shumicën prej të cilave i kemi përdorur edhe vetë.
Por, duke qenë të vetëdijshëm që është e pamundur t’i përfshijmë të gjitha zgjidhjet e mundshme, ju ftojmë të jepni kontributin tuaj me sugjerime dhe sqarime te komentet këtu poshtë.
Nëse keni nevojë t'ju ndihmojmë me rastin tuaj, atëherë na kontaktoni.
Ky shkrim dhe video janë shembull i një fushate marketingu me anë të së cilës arritëm të regjistrojmë 180 pjesëmarrës për një uebinar që zhvilluam rishtazi mbi temën: Si të ndërtoni një strategji për krijimin e përmbajtjes së optimizuar për SEO me z. Granit Doshlaku nga agjencia Manaferra.com
Ndonëse nga ana teknologjike uebinaret ofrojnë shumë lehtësi në pjesëmarrje, në të njëjtën kohë ato janë sfidë pasi ka mjaft njerëz që nuk e njohin si format e rrjedhimisht e kanë më të vështirë për t’u regjistruar.
Në rastin e kësaj fushate marketingu, ky uebinar i tejkaloi të gjitha objektivat si për nga numri i personave të regjistruar por edhe pjesëmarrësve që u futën për të ndjekur drejtpërsëdrejti.
Mbi të gjitha, dëshirojmë ta ndajmë si shembull i një fushate marketingu me shumë kanale që do t’ju lejojë të arrini një audiencë të lartë për aktivitetin, produktin, shërbimin apo biznesin tuaj.
Për ta bërë më konkret kemi përgatitur edhe një video që do ju tregojë kanalet dhe elementët kryesorë që përdorëm për këtë fushatë dixhitale.
50 persona
te regjistruar
30 persona
që ta ndiqnin drejtpërsëdrejti
Për të arritur këto objektiva u përdorën disa kanale komunikimi me audiencën e shënjestruar dhe një buxhet minimal. Rezultati ishte vërtetë fantastik pasi u tejkaluan objektivat e vendosur dhe buxheti i reklamës ishte praktikisht i panevojshëm.
Gjithashtu, në këtë video do mund të shihni edhe performancën e mirëfilltë të çdo kanali që përdorëm si dhe raportet e konvertimit (conversion rate) për secilin kanal, që zakonisht nuk matet kollaj por ndihmon për të kuptuar kanalet me performancën më të mirë.
Numri i personave të regjistruar ishte mbi 180, dhe mbi 50 prej tyre e ndoqën drejtpërsëdrejti dhe mbi 40 të tjerë e ri-panë pasi kishte mbaruar.
Por cilët kanale sollën më shumë persona të regjistruar dhe sa ishin raportet e konvertimit për secilin kanal që përdorëm?
Detajet e plota mund t’i gjeni vetëm brenda videos të cilën mund ta shikoni duke u regjistruar.
Dëshironi të bëni fushata të ngjashme marketingu, atëherë nga kontaktoni!
A dëshironi të rrisni numrin e vizitorëve në blogun apo faqen e biznesit?
A keni provuar t’i rrisni vizitorët nëpërmjet mediave sociale, por me rezultate të dobëta nga që njerëzit nuk i klikojnë ato?
A keni tentuar të bëni SEO por pa arritur suksesin e dëshiruar?
Mbase kjo nuk është një listë e plotë e teknikave apo strategjive që keni provuar, por folësi ynë i parë i vitit ju tregojë një strategji SEO për të krijuar përmbajtjen e duhur për faqen tuaj që do tërheqë vizitorë relevant gjatë gjithë kohës.
Z. Granit Doshlaku, shqiptari nga Kosova, është një ekspert i certifikuar SEO/SEM me eksperiencë ndërkombëtare. Madje, ju mund ta keni dëgjuar edhe si një prej folësve në edicionin më të fundit të AllWeb, në Tiranë.
Ai do ju ndihmojë të krijoni një strategji të mirëfilltë SEO për përmbajtën e faqes tuaj. Një strategji e sprovuara që faqja juaj të rritet në renditjen në motorët e kërkimit. E mbi të gjitha, që ju të tërhiqni vizitorët dhe klientët e duhur.
Granit Doshlaku
Granit Doshlaku është bashkë-themelues dhe udhëheq departamentin e Search Marketing në Manaferra (agjenci digjitale me bazë në Prishtinë, Kosovë).
Në 7 vitet e fundit ai ka sjellë dhe implementuar ide të reja dhe kreative për të ndihmuar klientët që të arrijnë objektivat e caktuara. Në baza të rregullta mund ta gjeni duke folur në evente lokale për tema sikurse SEO, content marketing, link building dhe app SEO.
Agjencia e tij lançoi Picasio në vitin 2016, një prej platformave të para që u mundësonte publikuesve të krijonin përmbajtje ndëraktive. Në 3 vitet e fundit, blogu i tij personal ka parë më shumë ridizenjime sesa artikuj të publikuar mirëpo në të ardhmen e afërt kjo pritet të ndryshoj. Artikujt e tij janë shpërndarë/publikuar nga media më të njohura të industrisë sikurse Search Engine Land, GeekTime, BusinessMag, DigitalSpoiler dhe tjera.
Reklamat native (native advertising) janë reklama që ndërlidhen me përmbajtjen e faqes ku ndodhen vizitorët tuaj ekzistues apo ata potencialë.
Këto lloj reklamash aktualisht janë ndër mënyrat më efikase që ju lejojnë të prezantoni mesazhin apo fushatën tuaj në një mënyrë të natyrshme për lexuesit dhe konsumatorët e mediave të ndryshme online.
Facebook e bën këtë sa herë që ju shikoni ‘timeline’ në kompjuterin apo celularin tuaj. Mediat më të mëdhaja në botë vendosin ‘reklama’ që ndërthuren shumë natyrshëm me shkrimet dhe publikimet e tyre dhe nuk krijojnë një eksperiencë negative për vizitorët.
Këto dhe avantazhe të tjera do jenë pjesë e prezantimit të radhës që do zhvillohet me datë 21 nëntor pranë ambienteve të Fondacionit Ivanaj, si pjesë e prezantimeve të hapura nga Sfida Biznesi.
Prezantuesi ynë do jetë z. Ingrid Shyti i cili është CEO i platformës së vetme për reklamat native në Shqipëri – Boost.al
Ndër këshillat praktike që mund të jenë pjesë e prezantimit do flitet edhe se si:
Ku: Fondacioni Ivanaj
Kur: 21 nëntor 2019, Ora 18:00-19:00
Si: Pa pagesë, mjafton të regjistroheni (shihni
poshtë)
Mbas prezantimit të parë, me mbi 40 persona të pranishëm, kemi kënaqësinë ta risjellim prezantim tonë për Google Analytics edhe në formatin e një uebinari.
Ndryshe nga prezantimi që bëmë pranë Fondacionit Ivanaj (shih videon & fotot), ky prezantim do jetë i gjithi online dhe mund të ndiqet nga kudo që jeni nëpërmjet internetit.
Nëse keni një faqe për biznesin, organizatën apo projektin tuaja, atëherë ky uebinar do t’ju tregoj si:
Ku: WebinarNinja.com
Kur: 20 qershor 2019, Ora 18:00-19:00
Si: Pa pagesë, mjafton të regjistroheni (shih linkun poshtë)
Elvis Plaku është sipërmarrës dhe konsulent me eksperiencë korporative dhe private. Aktualisht bashkë-menaxhon dy biznese private dhe shërben si konsulent dhe trajnues për disa biznese/organizata të mirënjohura në vend.
Ekspertiza e tij vjen nga ndërthurja e një sërë përvojash si në botën korporative ashtu edhe në atë private në Shqipëri dhe jashtë. Prirjet dhe dëshira e tij për të eksploruar drejtime të reja e kanë përballur me përvoja në fusha nga më të ndryshmet si: marketingu, psikologjia, komunikimi, burimet njerëzore, teknologjia, etj. Në 2011, përfundoi studimet e nivelit Master për administrim biznesi nga Regent University në Virginia Beach, Virginia, USA.
Nëse keni një faqe për biznesin, organizatën apo projektin tuaja, atëherë ky prezantim do t’ju tregoj si të instaloni, konfiguroni dhe interpretoni të dhënat që gjenerohen nëpërmjet Google Analytics.
Google Analytics është platforma më e mirë 'falas' për matjen, monitorimin dhe optimizimin e eksperiencës së vizitorëve në faqen tuaj.
Ku: Zyrat e Fondacionit Ivanaj
Kur: 28 maj 2019, Ora 18:00
Si: Falas, me regjistrim (shih linkun poshtë)
Elvis Plaku është sipërmarrës dhe konsulent me eksperiencë korporative dhe private. Aktualisht bashkë-menaxhon dy biznese private dhe shërben si konsulent dhe trajnues për disa biznese/organizata të mirënjohura në vend.
Ekspertiza e tij vjen nga ndërthurja e një sërë përvojash si në botën korporative ashtu edhe në atë private në Shqipëri dhe jashtë. Prirjet dhe dëshira e tij për të eksploruar drejtime të reja e kanë përballur me përvoja në fusha nga më të ndryshmet si: marketingu, psikologjia, komunikimi, burimet njerëzore, teknologjia, etj. Në 2011, përfundoi studimet e nivelit Master për administrim biznesi nga Regent University në Virginia Beach, Virginia, USA.
Miq, për këtë uebinar kishim mbi 80 persona të regjistruar dhe ndonëse jo të gjithë arritën të na ndiqnin online, duhet të pranoj që për mua personalisht ishte fantastike.
Redoni bëri një punë fantastike me prezantimin e tij dhe uroj që ta përsërisim sërish në një të ardhme të afërt.
Redoni sjell një eksperiencë që pak-kush e ka në tregun shqiptar dhe kontributi i tij për zhvillimin e ekosistemit ‘open source’ si komunitet dhe mundësi biznesi në tregun shqiptar dhe jashtë është i admirueshëm. Prezantimin mund ta rishikoni këtu.
Ndërkohë, ndërsa jemi ende në diskutime me prezantuesit dhe folësit e ardhshëm, personalisht po përgatitem për prezantimin dhe uebinarin e radhës që do jetë mbi Google Analytics.
Do jetë një prezantim hyrës mbi bazat e Google Analytics dhe se si ky shërbim “falas” mund t’ju ndihmojë:
Datat nuk i kemi finalizuar ende por radha e aktiviteteve do jetë kështu:
Prezantim i hapur pranë Fondacionit Ivanaj.
Prezantim i hapur online, pra uebinar
Trajnim me pagesë për ata prej jush që do duan të thellohen
Këtë pikën e fundit po e konsiderojmë pasi sakaq po ofrojmë edhe një trajnim për marketingun strategjik online me Qendrat Linkoln në Shqipëri, ku trajnimi më i fundit u zhvillua me datë 9 maj, pra në të njëjtën ditë me uebinarin.
Keni pyetje apo komente, atëherë ju ftojmë të na kontaktoni.
Pas prezantimit të hapur që u zhvillua në ambientet e Fondacionit Ivanaj, kemi kënaqësinë ta risjellim edhe një herë z. Redon Skikuli për një uebinar (prezantim i hapur online) mbi të njëjtën temë, ku ai do ju ofrojë ca këshilla dhe një zgjidhje praktike me open source.
Uebinari u zhvillua online në datë 9 maj, ora 18:00-19:00
Pjesëmarrja ishte e hapur për të gjithë. Regjistrimin mund ta ndiqni duke klikuar butonin këtu poshtë:
Z. Skikuli do trajtojë sërish konceptet kryesore dhe se si funksionojnë modelet e biznesit duke përdorur teknologji open source.
Ai do ofrojë një shpjegim të shkurtër të kulturës open source dhe më pas disa raste konkrete biznesesh për t’u ndalur më gjatë në prezantimin tek Nextcloud, alternativa open source e aplikacioneve cloud si Dropbox, Google Drive etj.
Nëse dëshironi të kuptoni më mirë se si mund të gjeni zgjidhje për nevojat tuaja të biznesit nëpërmjet softeve dhe platformave Open Souce, si dhe të kuptoni si mund t’i menaxhoni të dhënat e biznesit, projektit apo sipërmarrjes tuaj me privaci të plotë, atëherë bëhuni pjesë e këtij prezantimi online.
Regjistrimin e prezantimit mund ta ndiqni duke klikuar butonin këtu poshtë:
Redoni është një netizen i lindur në Elbasan dhe që aktualisht jeton në 41.3305N,19.7942E. Në vitin 2012 ai bashkëthemeloi Open Labs hackerspace dhe në vijim u angazhua në iniciativa si Open Source Conference Albania, Wiki Loves Monuments, CryptoParty Tirana, CopyFest Durrës dhe projekte të tjera që lidhen me kulturën e shpërndarjes dhe promovimit të dijes së hapur. Për më shumë se gjysëm dekade ai kontribuon vazhdimisht në projekte open source si OpenStreetMap, Wikipedia, ndërkohë që prej disa vitesh është Mozilla Tech Speaker. Profesionalisht ai është bashkëthemelues i Collective68 dhe Collective68.Cloud, kompani që ofron shërbime rreth teknologjive open source, platformave open data si dhe privatëcisë në internet.
Ju lutemi merrni pak kohë për t’iu përgjigjur dy pyetjeve që do t’ju dalin me Chatbot në krahun e djathtë të ekranit tuaj për punë sekondas. Ose klikoni linkun për t’u futur direkt.
Page 1 of 8