Rishtazi është rritur ndjeshëm nevoja e bizneseve, organizatave dhe individëve për zgjidhje teknike që ju lejojnë të vazhdoni punën në kushtet e shtëpisë ose distancë duke përdorur internetin.
Video konferenca është një mënyrë komunikimi me video dhe audio. Zakonisht kryhet nëpërmjet kompjuterit duke mundësuar ndërveprimin e disa pjesëmarrësve njëherësh me opsione:
Nisur nga pyetjet dhe për t’ju ardhur në ndihmë, po publikojmë një listë me disa nga platformat dhe softet që ofrojnë video konferenca, e që mendojmë do t’ju ndihmojnë.
Nuk është një listë e plotë, por një pikënisje për gjetjen e zgjidhjeve që ju përshtaten më mirë.
Ne do jemi duke e përditësuar e zgjeruar edhe me sugjerimet tuaja ndaj na shkruani te komentet ose bëni pyetjet që mund të keni.
Tabela me zgjidhjet që ju sugjerojmë
Skype
Një nga platformat e para që e transformoi komunikimin video duke ofruar komunikim falas që në vitin 2003. Për ta përdorur, mjafton të instaloni aplikacionin në kompjuterin apo pajisjen tuaj ‘smart’ dhe duke krijuar një llogari ju mund të lidheni lehtësisht me një apo disa persona njëherazi. Kjo platformë është mjaft e mirënjohur ndaj nuk po zgjatemi për ta shpjeguar. (linku)
Vini re! Skype ka shtuar edhe funksionin "Meet Now" brenda aplikacionit, i cili ju lejon të bëni video konferenca edhe me persona që nuk e kanë Skype të instaluar. Kemi përgatitur një video që mund ta shihni pak më poshtë.
Avantazhet
Disavantazhet
Google Meet
Google Meet është një soft komunikimi prodhuar dhe zhvilluar nga Google. Kjo platformë u krijua duke përfituar nga aspekte të shërbime të menjëhershme si ‘Google+ Messenger’ dhe ‘Google Talk’. Tashmë është integruar edhe në shërbime të tjera. Është falas, por duhet të keni llogari me Gmail ose Google Apps për ta përdorur. Integrimi me YouTube ka bërë që të përdoret edhe për konferenca dhe transmetime te drejtpërdrejta (live) me mijëra dhe miliona ndjekës. (linku)
Avantazhet
Disavantazhet
Zoom
Zoom Video Communication është një kompani me bazë në San Jose, Kaliforni që ofron shërbime konference në distancë nëpërmjet internetit. Zoom ofron softe komunikimi që kombinojnë video konferencat, takimet online, chat-et dhe bashkëpunimin me pajisjet mobile.
Aktualisht është një nga platformat që po përhapet botërisht dhe ka fituar mjaft përdorues. (linku)
Avantazhet
Disavantazhet
ClickMeeting
Është një zgjidhje audio dhe video për uebinare e dizenjuar për organizata të të gjitha përmasave. Ofron një sërë opsionesh ndër to monetizimi, përshtatja e ndërfaqes, uebinaret me regjistrim, dhoma pritjeje, prezantime dhe tabelë online. (linku) Video shpjeguese
Avantazhet
Disavantazhet
Jitsi
Jitsi është një projekt me kod-burim të hapur (open source) që lejon të ngrini dhe lançoni zgjidhje të sigurta me video konferencë. Duke qenë një platformë me kod-burim të hapur, ka edhe disa zgjidhje të tjera që mund t’i përgjigjen lehtësisht nevojave tuaja audio, telefon, regjistrim apo transmetim. (linku) Video shpjeguese
Avantazhet
Disavantazhet
BigBlueButton
BigBlueButton është një soft me kod burim të hapur, i zhvilluar për mësimin në distancë. Kjo platformë siguron ndarjen në kohë reale të audiove, videove, slideve, chat-it dhe ekranit. Përveç shërbimeve të ndryshme të konferencave në internet, ka integrime për sistemet kryesore të mësimit dhe menaxhimit të përmbajtjes. (linku)
Avantazhet
Disavantazhet
Lifesize
Lifesize është një kompani tjetër që ofron video dhe audio telekomunikim, me bazë në Amerikë. Themeluar që në vitin 2003, kjo kompani ofron mjaft opsione soft dhe hard për t’ju ardhur në ndihmë kompanive dhe organizatave. (link)
Avantazhet
Disavantazhet
EyesOn
Është një kompani austriake që ofron video konferenca në një mënyrë që funksionon shumë mirë edhe nëse shpejtësia juaj e internetit nuk është optimale. Teknologjia që përdor lejon që edhe kur janë më shumë se 3 apo 4 pjesëmarrës në të njëjtën kohë, ‘bandwidth’ juaj mos të ndryshojë. Thënë ndryshe është njësoj sikur po flisni vetëm një me një. Pra zgjidh një nga sfidat që kanë shumica e platformave të ngjashme që kërkojnë më shumë bandwidth me çdo pjesëmarrës të ri që i shtohet video konferencës. (linku)
Avantazhet
Disavantazhet
NextCloud Talk
NextCloud është një soft me kod-burim të hapur (open source) të cilin ju mund ta instaloni në serverin tuaj, nga ku mund të ruani dhe menaxhoni dokumentet, përdoruesit, kalendarin, email-in, chat-in, punoni me dokumentet e kompanisë/organizatës tuaj, duke ruajtur tërësisht privacinë e të dhënave dhe përdoruesve tuaj.
NextCloud ofron një ndërthurje shërbimesh dhe aplikacionesh që ju lejojnë të zgjeroheni duke e shfrytëzuar në tërësi, pra pa kufizime, sipas nevojave tuaja, pa hequr dorë nga privacia juaj.
Aktualisht, shumica e platformave që ju kemi prezantuar janë platforma të hostura dhe mirëmbajtura në një kompani e cila hoston dhe mundëson ofrimin e shërbimit të video konferencës. Ndonëse, në shumicën e rasteve kjo është një lehtësi shumë e madhe, shpeshherë ky opsion ka edhe kufizimet e veta financiare dhe mbi të gjitha nga ana e privacisë së të dhënave të përdoruesve dhe vetë kompanisë tuaj.
NextCloud Talk vjen si një zgjidhje ideale për ata prej jush që e vlerësojnë privacinë dhe sigurinë e të dhënave tuaja. (linku)
Avantazhet
Disavantazhet
Opsione të tjera
që nuk i kemi përshkruar, por duam t'i përmendim:
Në përfundim
Kjo është një listë e shkurtër e disa softeve të sugjeruara për komunikim dhe bashkëveprim në distancë nëpërmjet internetit, shumicën prej të cilave i kemi përdorur edhe vetë.
Por, duke qenë të vetëdijshëm që është e pamundur t’i përfshijmë të gjitha zgjidhjet e mundshme, ju ftojmë të jepni kontributin tuaj me sugjerime dhe sqarime te komentet këtu poshtë.
Nëse keni nevojë t'ju ndihmojmë me rastin tuaj, atëherë na kontaktoni.
