Hyrje
Do doja të thoja se ishte një javë normale por fatmirësisht duhet të pranoj se ishte mjaft interesante dhe me intensitet.
Ditën e mërkurë drejtova një trajnim 1.5 orësh me 8 persona duke përdorur EyeOn ku mësuam për mbledhjen dhe përpunimin e të dhënave të klientëve. Sesioni shkoi mjaft mirë dhe me një nivel të kënaqshëm angazhimi nga pjesëmarrësit.
Më pas, të enjten, mora pjesë në një trajnim me Zoom mbi temën e prezantimeve dinakime. Fatkeqësisht, mu desh të largohesha para mbarimit pasi duhet të bëja hapjen e një uebinari tjetër me WebinarNinja i cili filloi në WebinarNinja dhe mbas 45 minutave kaloi në një platformën tjetër - BigBlueButton.
Nuk mund të them që këto janë shumë të zakonshme por përballja me platforma, audienca, tematika të ndryshme mi bëri ditët vërtetë mjaft interesante.
Çfarë mësova nga eksperienca me 4 platforma për video konferenca?
- Njerëzit përshtaten shumë më lehtësisht kur kanë dëshirë apo nevojë;
- Platformat për video konferenca na ndihmojnë të lidhemi në distancë por edhe krijojnë pengesa pasi ne komunikojmë më shumë në mënyrë jo-verbale;
- Shpejtësia e internetit aktualisht është një nga sfidat kryesore pasi jo të gjithë e kanë njësoj;
- Adoptimi më i mirë i platformave online vjen vetëm nga përdorimi i rregullt, teoria të çon deri diku;
- Njerëzit entuziazmohen fillimisht por pastaj është shumë e lehtë të rikthehen në ‘status-quo’, pra rutinën e zakonshme;
- Nëse nuk përdor teknika ri-angazhimi njerëzit bëhen shumë shpejt pasiv, ose shpërqëndrohen nga gjëra të tjera përreth;
- Nëse nuk ke një sistem apo kanale të tjera që ti kujtosh, atëherë shumica harrojnë të futen online në kohë;
Këto janë vetëm disa nga vëzhgimet e mia, por jam i sigurtë që ju keni edhe sugjerime apo komente të tjera. Ju ftojmë t'i shtoni këtu poshtë 🙂
